بەرهەمی نوسراو

ئەو کەسانەی لێپرسینەوەیان لەگەڵدا ناکرێت لە ڕۆژی قیامەتدا

 پێغەمبەر صلى الله علیه وسلم پێی ڕاگەیاندووین كە چینێكی تایبەت هەیە لە ئومەتەكەیدا  لێ پرسینەوەیان لەسەر نییە لە ڕۆژی كۆتاییدا و ژمارەشیان حەفتا هەزار كەسە، وەك لە فەرموودەكەی عمرانی كوڕی حوصةین و سەهلی كوڕی سەعەد دا هاتووە دەگێڕێنەوە لە پێغەمبەری خواوە صلى الله علیه وسلم كە فەرموویەتی: ((أوَّل زُمرَةٍ تَدخُلُ الجَنَّة مِن أُمَتي سَبعُونَ الفاً بِغيرِ حِسابٍ وَلا عذابٍ... قِيل: وَمَن هُم؟ قال: هُم الذين لايَكتَووُنَ، ولاَ يَستَرقُون، ولآ يَتَطيرون وَعَلى رَبِهم يَتَوَكَلُون))(1). واتە: (یەكەم كۆمەڵ لە ئوممەتەكەم كە دەچنە ناو بەهەشتەوە حەفتا هەزار كەسن بەبێ لێ پێچینەوە وبەبێ سزا...وترا: ئەوانە كێن؟ فەرمووی: ئەوانەن كە داخیان بەكار نەهێناوە و، داوا ناكەن كە دوعایان بەسەردا بخوێندرێت و هیچ شتێك بەشووم نازانن و لەهەموو كارەكاندا پشتیان بەخوای خۆیان بەستووە).
 وە هەروەها كۆچ كارە هەژارەكان بن كە تێكۆشان و جیهاد یان كردووە و  لە پێناوی خوادا وەك لە فەرموودەكەی ئیبنو عومەر رضي الله عنهم كە دەگێڕێتەوە لە پێغەمبەری خواوە صلى الله علیه وسلم كە فەرموویەتی: ((أؤُّلُ زُمرَةٍ تَدخُلُ الجَنَّةَ مِن أُمَتي... المُهاجِرون يأتُونَ يَومَ القيامَةِ الى بابِ الجَنَّةِ وَيَستَفتِحُوُن، فَيَقُولُ لَهُم الخَزَنَةُ: أَوَقَد حوسِبتُم؟ فَيقَوُلَونَ: بِأيّ شَيءٍ نُحاسَبُ، واِنَّما كانت أَسيافُناَ عَلى عَواتِقِنا في سَبيِلِ اللهِ حتّى مِتنا على ذلِك، قالَ فَيُفتَحُ لَهُم فيقيلونَ فيه أربَعينَ عاماً [وفي رواية: سبعين عاماً] قَبَلَ اَن يدخُلها النّاسُ))(2) واتە:  (یەكەم كۆمەڵ كە دەچنە بەهەشت لە ئومەتەكەمدا... كۆچ كارەكانن ئەوان لەڕۆژی كۆتاییدا بۆلای دەرگای بەهەشت دێن و داوای چونە ژوورەوە دەكەن و دەرگاوانی بەهەشتیش پێ‌یان دەڵێن: ئایا لێ پێچینەوەتان تەواو بوو؟ ئەوانیش دەڵێن: لەسەر چ شتێك لێ پێچینەوەمان لەگەڵدا بكرێت، ئێمە شمشێرەكانمان بەسەر شانمانەوە بوو لەپێناوی خوادا تێدەكۆشاین و دەجەنگاین  هەتا مردین، دەفەرموێت: ئەوانە دەرگای بەهەشتیان بۆ دەكرێتەوە دەچنە ژوورەوە چل ساڵ دەحەسێنەوە تیایدا پێش ئەوەی خەڵكی بچنە ناوییەوە).
لەڕیوایەتێكی تردا پێغەمبەر صلى الله علیه وسلم دەفەرموێت: ((‌إِنَّ ‌اللَّهَ ‌لَيَدْعُو ‌يَوْمَ ‌الْقِيَامَةِ ‌الْجَنَّةَ ‌فَتَأْتِي ‌بِزُخْرُفِهَا ‌وَزِينَتِهَا، ‌فَيَقُولُ: أَيْنَ عِبَادِي الَّذِينَ قَاتَلُوا فِي سَبِيلِي وَقُتِلُوا وَأُوذُوا وَجَاهَدُوا فِي سَبِيلِي؟ ادْخُلُوا الْجَنَّةَ فَيَدْخُلُونَهَا بِغَيْرِ عَذَابٍ وَلا حِسَابٍ...))(3) واتە: (خوای گەورە لە ڕۆژی دواییدا فەرمان دەكات بەهەشت بهێنرێتە پێش، بەهەشتیش بەشەنگ و شوخ و جوانی و ڕازاوەكانیەوە دێتە پێش، پاشان خوای گەورە دەفەرموێت: لە كوێن بەندەكانی من ئەوانی لەپێناوی مندا جەنگاون و ئازار دراون و كوژراون: هەموو بچنە ناویە هەبەشت، ئەوانیش دەچنە ناو بەهەشتەوە بەبێ‌ سزاو لێ پێچینەوە).
هەروەها ئەوانەی ئارامیان گرتووە لەسەر هەژاری و نەخۆشی و ترس لەپێناوی خوادا، وەك خوای گەورە دەفەرموێت: [ إِنَّمَا يُوَفَّى ٱلصَّٰبِرُونَ أَجۡرَهُم بِغَيۡرِ حِسَابٖ ] (الزمر: 10)، واتە: (ته‌نها ئارامگران ئه‌جرو پاداشتی خۆیان وه‌رئه‌گرن به‌بێ ژماره‌، واته‌: ئه‌جرو پاداشتێكی یه‌كجار زۆر له‌ به‌هه‌شتدا).

----------------------------

(1) أخرجه: البخاري (3327)، ومسلم (371، 2834) . 
(2) أخرجه: الطبراني (الكبير) (6/71)، والبزار (كشف الاستار) (4/271) وابونعيم (الحلية) (246) واسناده حسن كما في (الأحاديث القدسية جمعاً ودراسة) (408)، والحاكم (2/70) وصححه على شرطهما ووافقه الذهبـي، وصححه الشيخ الالباني على شرط مسلم في (السلسلة الصحيحة)  (853). 
(3) أخرجه: ابن منده (كتاب التوحيد) (604) وقال: اسناده صحيح، وقال محققه (ص:497): حديث صحيح. 

 

 510
سەرەکی   |    دەربارە   |    پەیوەندی